Troeteldiere bring dalk nie geluk, gesondheid
2011-08-04 18:09
Washington – Trotse troeteldiereienaars is lank vertel hulle is gelukkiger, gesonder en lewe langer as dié sonder woefie of kietsie se geselskap, maar ‘n nuwe studie reken elke hond kry sy dag.
Howard Herzog, ‘n professor van sielkunde by die Wes-Carolina Universiteit, het gesê vorige studies om te bepaal of troeteldiere gesondheid bevorder het “gemengde resultate” tot gevolg gehad.
“Alhoewel troeteldiere ongetwyfeld vir party mense goed is, is daar geen bewyse hulle bring geluk of gesondheid nie,” het Herzog in die joernaal Current Directions in Psychological Science geskryf.
“Sommige navorsers het bevind om met diere saam te leef het ‘n positiewe effek op eienaars,” het hy geskryf. “Ander studies het egter bevind hul gesondheid en geluk is vergelykbaar met dié van mense sonder troeteldiere.”
– Volg Nuus24 op Twitter.
- AFP