Transaksies met aanraking van selfoon beklink
2011-07-14 17:52
New York – Die aanlyntransaksiereus PayPal het Woensdag ‘n nuwe program bekendgestel wat gebruikers in staat stel om geld oor te dra deur fone aan mekaar te laat raak.
Die sagteware maak gebruik van ‘n skyfie wat in die Google Nexus S-slimfoon ingebou is, wat nabygeleë fone in staat stel om met mekaar te kommunikeer.
“'n Mens sal dit moet gebruik om dit te glo, maar gebruikers sal nou makliker as ooit tevore met vriende, familie, kollegas en werknemers kan handel dryf,” het PayPal se senior direkteur van draagbare tegnologie, Laura Chambers, gesê.
“Soms is die mees voor die hand liggende oplossing die mees elegante een,” het sy bygevoeg.
Die funksie sal teen September beskikbaar wees, maar sal aanvanklik slegs op die Nexus S-model werk, het Chambers gesê.
Elke selfoon wat deel aan die transaksie sal die PayPal-program moet installeer, wat dan ‘n wagwoord sal vra voor ‘n transaksie aanvaar sal word.
– Volg Nuus24 op Twitter.
- AFP