Tonne kos in SA vermors

2013-01-11 14:53

Kaapstad – Suid-Afrikaners vermors jaarliks sowat 9 miljoen ton se kos, het die Wetenskaplike en Nywerheidsnavorsingsraad (WNNR) gesê.

Dié hoeveelheid kos gaan jaarliks in die verskaffingsketting in sy geheel verlore, van die landboumark tot by verbruikers, het die raad gesê.

Minstens 27% van die vermorsing vind tydens die verwerking en verpakking van voedsel plaas, het EWN berig.

Suzan Oelofse, 'n wetenskaplike van die WNNR, het op die radiostasie 567 CapeTalk gesê die WNNR werk om maniere te vind om dié vermorsing te verminder.

"Dit blyk uit internasionale literatuur dat die verkoeling van kos deur die hele verskaffingsketting dalk kan help om vermorsing te verminder,” het Oelofse gesê.

– REGSTELLING: Die berig het aanvanklik gesê dat 9 ton voedsel vermors word. Die korrekte syfer is 9 miljoen ton.

– Volg Nuus24 op Twitter