Toeris kry glo MIV ná tatoeëermerk
2011-12-25 09:30
Sydney – Australiërs is Saterdag gewaarsku om nie tatoeëermerke of lyfringe oorsee te kry nie, nadat 'n toeris volgens berigte MIV opgedoen het tydens 'n besoek aan 'n tatoeëer-ateljee op die Indonesiese eiland van Bali.
"Die voorval wys hoe gevaarlik dit is om dié tipe prosedure oorsee te laat doen," het Paul Armstrong, hoof van die beheer van oordraagbare siektes in Wes-Australië, gesê.
"Wes-Australiërs wat onlangs 'n tatoeëermerk in Bali gekry het moet hul dokters raadpleeg en 'n toets vir MIV en ander bloedoordraagbare siektes oorweeg."
– Volg Nuus24 op Twitter
- Sapa-DPA