Titanic gaan 3D in wetenskaplike ekspedisie
2010-08-24 04:59
Kaapstad - 'n Hoogs tegnologiese ekspedise vind Sondag in Kanada plaas om 'n gedetaileerde kaart van die wrak van die Titanic te skep.
Die ekspedisie sal amper 'n honderd jaar plaasvind na die skip in die Atlantiese Oseaan gesink het waarin 1 500 mense dood is.
Organiseerders sê die ekspedisie sal sonartegnologie en hoë resolusie optiese beeldmateriaal gebruik om die wrakterrein te dokumenteer.
Dié poging is moontlik die mees tegnologiesgevorderde wetenskaplike ekspedisie na die Titanic.
Christopher Davino, president van RMS Titanic, het in 'n verklaring gesê dat die doelwit is om die "mees gedetaileerde portret van die Titanic se wrakterrein te skep."
Die span sal van die mees gevorderde tegnologie gebruik, het hy gesê.
Die ekspedisie sal kykers op hoogte hou deur middel van video's en foto's op Facebook en Twitter tydens die ekspedisie wat meer as 20 dae sal duur.
Ander beeldmateriaal en inligting sal op die ekspedisie se webtuiste www.expeditiontitanic.com verskyn.
Die Titanic, wat in 1912 gesink het, se wrak is dekades later in 1985 gevind.
Volg Nuus24 op Twitter.
- Sapa - AFP