Tier gryp bewaarder aan die keel
2010-03-07 17:06
Beijing – ‘n Bewaarder by die Shanghai-dieretuin is Saterdag dood nadat hy deur ‘n Bengaalse tier aangeval is.
Li Zhonglin (53) is glo deur die 10-jarige mannetjies tier aangeval terwyl hy besig was om die buitekant van die dier se hok skoon te maak, het die Xinhua-nuusagentskap berig.
Die bewaarder het glo vergeet om die dier se hok te sluit.
Volgens ‘n ooggetuie het die tier Zhonglin bespring en hom aan die keel gegryp.
Ander werkers by die dieretuin het dadelik reageer en die tier met behulp van verdowingsmiddels binne 10 minute onder beheer gehad.
Zhonglin het aan sy beserings beswyk.
– AFP