Tieners wat seks het minder stout
2011-08-19 15:56
Kaapstad – Tieners wie seks in 'n vaste verhouding het, is minder stout, het nuwe navorsing bevestig.
Luidens nuwe navorsing van die Universiteit van Texas is tieners wie in seksuele verhoudings betrokke is, minder stout as diegene wat nie seks het of rondslaap nie.
Die studie het bevind dat dié tieners wesenlik minder anti-sosiaal was en nie so baie moeilikheid gemaak het nie.
Die studieleier, Paige Harden, 'n professor in sielkunde by die universiteit, meen tieners in verhoudings het minder tyd en geleenthede om moeilikheid te maak as ander tieners omdat hulle minder tyd met hul vriende spandeer en meer met hul kêrel of meisie.
Die studie is in die Journal of Youth and Adolescence gepubliseer.
Tieners tussen die ouderdom van 13 en 18 se gedrag is ontleed.
– Jip