Tieners dra 'R6 000 se goed aan hul lywe'
2011-10-26 13:16
Londen – ‘n Britse versekeraar het bevind tieners behep met peperduur elektronika is sowat R6 000 se goedere ‘werd’ elke keer as hulle hul voete by die deur uitsit.
Ondanks ‘n ekonomie wat swaarkry, dra Britse tieners sowat £500 (sowat R6 350) se bykomstighede met hulle saam wanneer hulle die huis elke dag verlaat.
Bo en behalwe ‘n klomp note van sowat £89 (sowat R 1 100) en klere wat gemiddeld £261 (sowat R3 300) kos, dra die tieners ook peperduur elektroniese toestelle met hulle saam, het die studie genaamd Allianz Your Cover bevind.
‘n Gemiddelde selfoon waarmee Britse tieners rondloop is sowat £99 (sowat R 1 300) werd, terwyl hul MP3-spelers en draagbare speletjieskonsole tussen £500 (sowat R6 350) en £810 (sowat R10 000) kan kos.
Die studie het meer 2 000 tieners ingesluit.
– Lees meer hier.
– Volg Nuus24 op Twitter.