Tesla-laboratorium word gerestoureer

2012-08-27 11:58

Shoreham – Ondersteuning van ‘n bekende spotprenttekenaar het ‘n poging om ‘n 110 jaar oue Amerikaanse museum te restoureer, ná dekades weer aan die gang gekry.

Meer as ‘n miljoen dollar (sowat R8,4 miljoen) is in bietjie minder as ‘n week bymekaar gemaak om te betaal vir die restourering van die wetenskaplike Nikola Tesla se Wardenclyffe-laboratorium in Long Island, Amerika.

Die spotprenttekenaar Matthew Inman, wat die webtuiste theoatmeal.com beheer, het hierdie maand sy lesers aangemoedig om die projek te ondersteun. Die oorspronklike doel was om $850 000 (sowat R7 miljoen) in te samel, maar Inman sê die fondse het net aanhou inkom.

Hy het bygevoeg dat die organiseerders nou genoeg geld het om die eiendom te koop en dan nog genoeg oor het om ‘n museum en ‘n wetenskaplike sentrum te begin.

– Volg Nuus24 op Twitter
 

- AP