Telkom onthul vinniger ADSL
2010-08-17 10:41
Kaapstad - Telkom het vanaf Sondag die spoed van sy vinnigste internetdiens "tot minstens 10 Mbps" verhoog.
"Telkom verbeter sy ADSL-netwerk om 'n ADSL-spoed tot 10 Mbps te akkommodeer," het die telekommunikasiereus in 'n verklaring gesê.
Die spoedopgradering is van toepassing "in al die gebiede met geskikte tegnologie om dit te ondersteun", en verbruikers hoef nie ekstra daarvoor te betaal nie.
"Die 10 Mbps ADSL-spoed in 'n innoverende verbetering aan die bestaande vinnigste DSL-produk.
"Alle opgraderings is dus onderworpe aan die plaaslike lynvoorwaardes en die tipe toerusting wat by die naaste wisselaar beskikbaar is."
Internetgebruikers kan aanlyn 'n beskikbaarheidstoets doen om te sien wat die status van die opgraderings in hul gebied is.
Die beskikbaarheidstoets kan op die volgende webtuistes gevind word:
http://www.telkom.co.za/products_services/dsl/ordering.html, of
http://www.telkom.co.za/products_services/dsl/conditions.html
Volg Nuus24 op Twitter
- SAPA