Switserland loop deur onder kuber-aanval
2009-10-27 12:44
Genève - Switserland se departement van buitelandse sake sê hulle was die slagoffer van ‘n “professionele” kuber-aanval, wat informasie van die departement se rekenaarnetwerk probeer steel het.
Georg Farago, departementele woordvoerder, sê die departement het gevolglik hulle internet-konneksie afgesny.
Volgens Farago is spesialiste besig om die oorsprong van die aanval te soek en te kyk of enige inligting wel gesteel is.
Die woordvoerder het gesê dit lyk of die aanval spesifiek op die departement van buitelandse sake gerig was.
Switserland is gereeld die gasheer vir internasionale vredeskonferensies.
- Sapa