Studie: Swanger vroue moet wegbly van selfone
2011-02-08 13:00
Kaapstad – Swanger vroue moet ophou om selfone te gebruik, aangesien die elektromagnetiese bestraling wat die toestelle afgee hul ongebore babas skade kan berokken.
Hierdie waarskuwing is verlede week deur ‘n internasionale paneel wetenskaplikes uitgereik.
Hulle bestudeer die gesondheidrisiko’s wat verband hou met die bestraling wat deur draadlose elektroniese toestelle uitgestuur word.
“Standaarde vir radio-frekwensie en mikrogolf-bestraling van draadlose toestelle is heeltemal onvoldoende,” het Olle Johansson van Swede se Instituut van Tegnologie gesê.
Elektromagnetiese bestraling word uitgegee deur toestelle soos selfone, koordlose fone en draadlose rekenaartoestelle.
Die wetenskaplikes het spesifieke waarskuwings vir selfoon- en koordlose-telefoongebruikers uitgereik:
• Hulle stel voor dat swanger vroue wegbly van selfone en koordlose fone, sowel as van ander mense wat dit gebruik.
• Kinders word aangeraai om ook nie selfone, koordlose fone of handrekenaars te gebruik nie.
• Gebruikers moet selfone weghou van die kop en lyf.
Kliek hier om meer te lees.
Volg Nuus24 op Twitter