Swak ouerskap dryf kinders tot drank
2011-08-29 09:20
Londen – Die manier waarop ouers hul kinders grootmaak is een van die grootste invloede op die hoeveelheid drank wat tieners en jong volwassenes inneem, het navorsers bevind.
Die onafhanklike navorsingsgroep Demos het bevind swak ouerskap rondom die tyd wat 'n kind 16 jaar oud is, kan iemand agt keer meer geneig gemaak om diep in die bottel te kyk wanneer hy of sy 34 jaar oud is.
Swak ouerskap op 10-jarige ouderdom het die kans op alkoholmisbruik in 'n persoon se dertigerjare verdubbel, het die studie bevind.
Die navorsers het data van meer as 15 000 kinders gebore in Brittanje in die afgelope 40 jaar bestudeer.
Hulle het bevind ouers wat streng, maar regverdig en liefdevol optree het kinders die minste na die bottel gedryf.
Oorheersende ouers wat uiters streng dissipline afdwing, asook loskop-ouers wat eerder vriendskappe met hul kinders handhaaf, het die swakste gevaar.
– Lees meer hier.
– Volg Nuus24 op Twitter.