Suid-Afrikaners werk die langste ure
2010-10-21 11:04
Kaapstad – Volgens ‘n onlangse opname wat in vyf lande gedoen is, spandeer Suid-Afrikaners die meeste tyd op kantoor.
Die LexisNexis International Workplace Productivity Survey het bevind dat Suid-Afrikaanse beroepsmense gemiddeld 9.5 ure van die dag op kantoor spandeer.
Amerika was kort op hul hakke met 8.8 ure op kantoor terwyl beroepsmense in die Verenigde Koninkryk gemiddeld 8.2 ure per dag werk.
Australiërs spandeer ongeveer 8.6 ure op kantoor en in China is beroepsmense gemiddeld 8.1 ure lank agter die lessenaar.
Die opname in Suid-Afrika het bestaan uit 300 beroepsmense en is tussen Junie 2010 en Julie 2010 gedoen.
Dit wil ook voorkom asof die hoeveelheid informasie waarmee beroepsmense gebombardeer word, toeneem.
‘n Groot hoeveelheid van dié informasie is totaal en al irrelevant tot hul werk.
Uit die 300 het 82% gevoel hulle spandeer te veel tyd daaraan om nuwe informasie te organiseer, met te min tyd oor om dié informasie toe te pas.
Die oorgrote meerderheid reken hulle mis baie keer vergaderings of sperdatums, of handig halfklaar dokumente in, omdat hulle nie die tyd het om deur al die onnodige informasie te sif nie.
Volg Nuus24 op Twitter.
- SAPA