Stuur geld na Facebook-vriende met PayPal
2011-11-19 11:30
New York – Die aanlyn finansiële transaksiereus PayPal het ‘n program bekendgestel wat vriende in staat stel om vir mekaar oor Facebook geld te stuur.
PayPal het die program, Send Money, ontwerp om Facebook-gebruikers in staat te stel om op belangrike datums soos verjaarsdae geld na hul vriende te stuur.
“Ons versoen die grootste aanlyn betalingsmaatskappy met die wêreld se grootste sosiale netwerk om dit makliker te maak om geld na jou vriende te stuur,” het PayPal se bemarkingsbestuurder JB Coutinho gesê.
“Ons nuwe Send Money-program stel gebruikers in staat om wense op Facebook in regte geskenke te verander,” het sy gesê.
– Volg Nuus24 op Twitter.