Studie: Inkopies hou jou gesond

2011-04-08 11:23

Londen - Om die winkels in te vaar hou jou gesond, veral die oues, het navorsers bevind.

Mans en vroue wat elke dag met sakke goedjies trots uit winkels stap lewe langer as suurknolle wat inkopiesentrums soos die plaag vermy, het die studie in Journal of Epidemiology & Community Health bevind.

Die geselskap en die kort-kort gehardloop tussen uitverkopingsbordjies hou die brein en die liggaam glo fiks.

Dr. Yu-Hung Chang van die Institute of Population Health Sciences het sowat 2 000 mans en vroue ouer as 65 jaar dopgehou in die winkels.

“Anders as formele oefening, kort mense nie aanmoediging om inkopies te doen nie,” het Chang bevind.

Lees die volledige storie hier.

Volg Nuus24 op Twitter.