Studie: Drank kan kanker veroorsaak
2011-04-08 17:00
Londen – Harde drinkers vergroot hul kans om kanker te kry met elke bier, het navorsers bevind.
Die studie oor kroegkruipers regoor Europa se drinkgewoontes is in die British Medical Journal gepubliseer en die bevindinge is genoeg om van nugter te raak.
Mans kan hul kans op drinkverwante kankers, onder andere in die maag en die keel, met tot 10% verhoog as twee biere drie, of vier, raak. Vroue se kanse skiet met 3% op.
“Kanker kan voorkom word as mense minder drink,” het Madlen Shutze, hoofnavorser, gesê. “Meer gevalle kan voorkom word as mense minder as die aanbevole hoeveelheid drink of selfs heeltemal van alkohol af wegbly.”
Die navorsing het bevind mans wat meer as twee en vroue wat meer as een standaard drankie ‘n dag drink, stel hulself in gevaar.
‘n Standaard drankie bevat sowat 12 g alkohol, gelykstaande aan ‘n 125 ml glas wyn of ‘n halwe pint (sowat 470 ml) bier.
Lees die volledige storie hier.
Volg Nuus24 op Twitter.