Student ontdek nuwe byspesie
2010-09-06 12:00
Kanada – ‘n Doktorale student van die York Universiteit het onlangs ’n nuwe spesie bye ontdek nadat hy sowat 84 verskillende spesies sweetbye in Kanada ondersoek het.
Negentien van dié bye is nuwelinge vir wetenskap omdat nie en van die subspesies al ooit vantevore beskryf of geïdentifiseer is nie.
Dié student, Jason Gibbs, se ontdekking gaan wetenskaplikes help om bydiversiteit te monitor sowel as om die bestuiwingsbiologie van die insek beter te verstaan.
Een van die negentien nuwe bye is deur Gibbs geïdentifiseer as die koekoek-by.
Dié by bou ook, nes die voëlspesie, nie ‘n nes nie en maak ook nie kos bymekaar nie.
Dié by het ook ‘n groot kakebeen ontwerp om mee te baklei.
Die naam Sweetbye verwys na byspesies wat aangetrokke is tot menslike sweet, en is gewoonlik van die familie Halictidae afkomstig.
Vir die volledige storie besoek ScienceDaily.
Volg Nuus24 op Twitter.