Strenger sensorskap kom op Twitter
2012-01-27 10:42
San Francisco – Twitter het sy tegnologie verskerp sodat hy op 'n land tot land basis sensuur kan toepas op boodskappe.
Die skuif kom nadat die maatskappy uitgebrei het na nuwe lande in ‘n poging om sy gehoor uit te brei en meer geld te maak.
Dít wek egter kommer oor Twitter se toewyding aan vrye spraak.
Twitter sien egter die sensorskap as ‘n manier om te verseker dat individuele boodskappe, of tweets, aan soveel mense moontlik beskikbaar is, terwyl dit die onderskeie wette oor die wêreld heen in ag neem.
In die verlede, as Twitter ‘n tweet verwyder het, het dit wêreldwyd verdwyn.
Met die nuwe stelsel kan tweets, wat inhoud bevat wat die wet in die spesifieke land verontagsaam, in daardie land verwyder word, maar steeds in ander lande gesien word.
Twitter sal ‘n sensorskap-boodskap plaas wanneer ‘n tweet verwyder word.
– Volg Nuus24 op Twitter
- SAPA