Stop julle Facebook-gekerm, sê hof aan tweeling
2011-04-12 10:30
New York – ‘n Appèlhof het ‘n einde gebring aan ‘n regsaak waarin ‘n Harvard-tweeling reuse-vergoeding eis omdat Facebook-stigter Mark Zuckerberg na bewering hulle idee vir ‘n sosiale netwerk gesteel het.
Die Winkelvoss-tweeling het Facebook in 2004 gedagvaar na hulle Zuckerberg na bewering gevra het om hulle te help met die skep van ‘n sosiale netwerk. Toe neem Zuckerberg die idee, draai sy rug en begin Facebook, het die broers beweer.
Facebook het geskik en die broers $20 miljoen (sowat R134 miljoen) in kontant betaal sowel as om 'n miljoen Facebook-aandele aan hul maatskappy, ConnectU, toe te ken. Die hof het die Winkelvoss-tweeling beveel om by die oorspronklike skikking te hou.
Die twis is ook in Hollywoord-styl te sien in die Facebook-fliek The Social Network, waarin Zuckerberg se karakter aan die tweeling sê: “As julle Facebook-stigters was, sou julle Facebook gestig het.”
Lees die volledige storie hier.
Volg Nuus24 op Twitter.