Steve Jobs gee Obama vroegtydig iPad
2011-10-04 16:32
Washington – Die Amerikaanse president, Barack Obama, het Maandag bekendgemaak Steve Jobs het aan hom ‘n iPad gegee voor die tabletrekenaar se bekendstelling.
“Ek het ‘n iPad,” het Obama gesê.
“Steve Jobs het dit vir my ‘n bietjie vroeg gegee,” het hy gesê. “Dit was besonders. Hy het dit persoonlik vir my gegee.”
Obama het gesê hy lees blogs en koerante op die web.
“Ek lees baie van die koerante, wat ek in die verlede in druk gelees het, nou op die web,” het hy gesê.
Hy het egter gesê hy lewer nie aanlyn kommentaar op koerantstories nie.
"Ek is bang as ek eers begin, sal ek nooit end kry nie. Ek het baie ander dinge wat my aandag verg."
– Volg Nuus24 op Twitter.
- AFP