Sterwendes wil graagste troeteldiere groet
2011-10-10 11:19
Londen – Die mees algemene wens wat pasiënte op hul sterfbed versoek is om hul gunsteling troeteldier te sien, het ‘n peiling onlangs bevind.
Help the Hospices, ‘n Britse nie-regeringsorganisasie, het die peiling onderneem en bevind 60% van pasiënte vra om hul gunsteling troeteldier vir oulaas te sien voor hulle sterf.
Mense het ook dikwels (57%) gevra om romantiese oomblikke soos troues of afsprake saam met ‘n beminde te geniet. Die helfte van die pasiënte wou ‘n partytjie vir oulaas geniet.
Werknemers by Help the Hospices het gesê hulle doen hul bes om pasiënte se laaste wense uit te voer.
“Vir party mense wat die einde van hul lewens nader, is dit die klein dinge wat die grootste verskil maak,” het Heather Richardson, die hoof van die organisasie, gesê. “Goed soos ‘n drankie saam met vriende, ‘n verjaardagpartytjie of om ‘n geliefde troeteldier vir oulaas vas te hou.”
– Lees meer hier.
– Volg Nuus24 op Twitter.