Steenkoolmyne in Aus 'verwoestend', sê Greenpeace

2012-09-19 14:12

Sydney – ‘n Steenkoolmyn naby Australië se Groot Koraalrif sal een van grootste koolstofbesoedelaars ter wêreld wees indien dit ten volle ontgin word.

Queensland se Galilee Basin-steenkoolmyn kan die wêreld se klimaat bedreig sowel as die plaaslike habitat vernietig indien al sy steenkool ontgin en verbrand word.

"Indien die Galilee Basin ‘n land was sou die koolstofdioksied wat sy steenkool vrygestel, hom die sewende grootste verbruiker van fossielbrandstof in die wêreld gemaak het,” het Greenpeace in ‘n verslag gesê.

Met nóg nege nuwe termiese steenkoolmyn wat beplan word – vyf van hulle groter as enige steenkoolmyn in Australië – kan Galilee se koolstofdioksiedproduksie tot 700 miljoen ton per jaar styg.

Dit sal beteken dat slegs China, Amerika, Indië, Rusland, Japan en Duitsland jaarliks meer  koolstofdioksied vrystel.

“Indien al nege die nuwe myne gebou word, kan die impak op internasionale, nasionale en plaaslike omgewings verwoestend wees.”

Greenpeace dring daarop aan dat die nuwe myne in Queensland nie gebou moet word nie.

– Volg Nuus24 op Twitter
 

- AFP