Stamselle dalk die antwoord vir witrenoster
2011-09-21 13:26
Johannesburg – Afrika se noordelike witrenosterbevolking staan op die rand van uitwissing, met nog net sewe oor in die wêreld.
Natuurbewaarders krap nou kop oor die voortplanting van die wêreld se skaarste soogdier en oorweeg om hulle tot die jongste tegnologie in stamsel-ontwikkeling te wend.
Die rede vir die afname in die noordelike witrenoster se bevolking word aan jagtery, stropery en ’n gebrek aan habitat toegeskryf.
Die laaste agt noordelike witrenosters het tot 2009 in twee dieretuine in Europa en die VSA gewoon. Op 20 Desember 2009 is vier van hulle na die Dvur Králové-dieretuin in die Tjeggiese Republiek geskuif.
Die oorlewingskoers van hierdie renosters is goed wanneer hulle in aanhouding leef, maar die voorplantingskoers is baie laag.
Die vier renosters is terug na hul natuurlike habitat gebring sodat hulle suksesvol kan aanteel.
Baie mense meen hierdie stap sal die diere in gevaar stel omdat hulle vir so ’n lang tydperk in beskermde gebiede was en hulle nie aan die ruwe Afrika-omgewing gewoond is nie.
Slegs 15 maande nadat die noordelike witrenoster in die sentrale Keniaanse hooglande vrygelaat is, het die diere begin teel.
Tot op hede was daar egter geen geboortes wat uit die teling gevolg het nie.
Kruising tussen die noordelike en suidelike spesies word nou oorweeg om te verseker dat die gene van die noordelike witrenoster nie heeltemal sal uitsterf nie.
Met die jongste tegnologie is dit egter moontlik om hierdie skaarse geen te behou.
Met die gebruik van stamsel-ontwikkeling sal dit nou moontlik wees om die noordelike witrenoster in ’n proefbuis te “vervaardig”.
Volgens Oliver Ryder, ’n direkteur van bewaringsnavorsing in San Diego, meen die grootste bydrae wat hierdie tegnologie kan maak is om uitsterwing, deur die ontwikkeling van stamselle, te voorkom.
– Lees meer hier.
Kyk hier na 'n video van die bewaringspoging.
– Volg Nuus24 op Twitter.