Speletjie op web help met MIV-vrae
2011-09-21 07:04
Washington – ’n 15 jaar oue probleem wat met MIV verband hou, is onlangs in net tien dae opgelos deur ’n aanlynspeletjie wat dit vir spelers moontlik maak om ingewikkelde proteïene te dekodeer.
In die speletjie, Fold.it, kan spelers ’n model bou van die retrovirale protease van die Mason-Pfizer-aapvirus-ensiem (M-PMV), wat ooreenstem met die kristalagtige strukture wat wetenskaplikes voorheen opgemerk het.
Die wetenskaplikes het die spelers drie weke tyd gegee om ’n model van die proteïen te skep, iets wat hulle tot dusver nie self kon doen nie.
Aan die einde van dié tydperk het die wetenskaplikes die beste modelle vergelyk met x-straalfoto’s van die proteïen.
Hulle het bevind minstens een groep spelers het die korrekte struktuur daarvan bepaal.
Dié bevinding is vandeesweek in die wetenskaptydskrif Nature opgeneem. Min van die spelers het ’n biochemie- agtergrond.
Fold.it is deur navorsers aan die Universiteit van Washington in die VSA ontwikkel in die hoop dat ’n “menslike element” kon help met die proses om ’n bruikbare model van die proteïen te bou.
– Lees meer hier
– Volg Nuus24 op Twitter