'Slim' toilet toets jou gesondheid
2010-08-27 00:52
Tokio – Japan het ‘n splinternuwe toilet bekendgemaak wat jou gesondheid vir jou toets terwyl jy jou ding doen.
Dié nuwe toilet is net weereens bewyse daarvan dat Japan op die voorgrond van sogenaamde toilet-tegnologie is.
Vorige toilette se sitplek sal warm word nog voor jy gaan sit, of verdoesel jou natuurlike klanke met ‘n ingeboude klankbaan van ‘n toilet wat spoel.
Die nuutste model neem jou temperatuur, analiseer jou urine, toets jou bloeddruk en weeg jou met ‘n ingeboude vloer-skaal.
Die toilet is deur Daiwa House ontwerp wat spesifiek Japan se bejaarde gemeenskap in gedagte gehad het.
Sodra jy klaar is op die toilet en al jou spesifieke data vasgevang is, stuur dié slim toilet die inligting na jou dokter toe.