Slegte bestuurder? Dis in jou gene
2009-10-30 00:29
Washington - Dit help nie jy vloek op die vrot bestuurder voor jou nie. Dis tien teen een in sy gene.
‘n Studie in die VSA het gevind dat ‘n sekere tipe geen in jou DNA jou meer as 20% slegter laat vaar in ‘n bestuurderstoets as mense met ‘n ander DNA-struktuur.
Dit verduidelik ook hoekom daar so baie slegte bestuurders op die paaie is.
Meer as 30% Amerikaners het egter die spesifieke geen.
“Hierdie mense maak uit die staanspoor uit meer foute en hulle vergeet ook wat hulle vinniger as ander wat hulle geleer het,” sê Dr. Steven Cramer wat die studie deur die Universiteit van Kalifornië gelei het.
Cramer en sy span het 29 mense getoets waarvan sewe die verskillende geen-kombinasie het.
Hulle is gevra om 15 keer om ‘n nabootser baan te ry en dit dan na ‘n week weer te doen.
Keer op keer het dié sewe mense dieselfde foute gemaak.
Die geen beheer glo ‘n sekere tipe proteïen wat geheue affekteer.
- Reuters