Slapelose nagte oor tiener-naakfoto's nie nodig
2011-12-05 10:31
New York – Tieners stuur vir mekaar veel minder gewaagde foto’s van hulself oor selfone of die internet as wat mense dalk dink, het navorsers gesê.
Slegs 1% tussen die ouderdom van 10 en 17 het gesê hulle het gewaagde foto’s van hulself met ander gedeel terwyl slegs 7% gesê het hulle het al effens gewaagde foto's of SMS'e ontvang.
Die navorsing bewys die stuur van gewaagde foto’s onder jonger kinders is 'n seldsame verskynsel, maar moontlik meer algemeen onder ouer tieners.
Die bevindinge is gerusstellend en wys die deel van gewaagde foto’s en SMS’e is nie so algemeen nie, het die hoofnavorser Kimberly Mitchell van die Universiteit van New Hampshire in Amerika gesê.
Die navorsing is in die joernaal Pediatrics gepubliseer.
– Volg Nuus24 op Twitter.
- AP