Sjimpansee-geboorte op internet uitgesaai
2013-01-15 11:13
Johannesburg – Die Jane Goodall Instituut (JGI) naby Nelspruit beplan om ‘n sjimpansee-geboorte regstreeks aanlyn uit te saai – die eerste webuitsending van sy soort.
David Devo Oosthuizen, JGI se uitvoerende direkteur, het gesê ‘n kamera word gebruik om die dragtige sjimpansee, genaamd Nina, te monitor. Sy kan 24 uur per dag aanlyn dopgehou word.
Die negejarige Nina, wat by Chimp Eden, 12 km buite Nelspruit aangehou word, is onder kwarantyn geplaas ter voorbereiding vir die geboorte, wat na verwagting binne die volgende paar dae sal plaasvind.
Nina is in 2007 in Suid-Soedan saam met vier ander sjimpansees deur die JGI gered. Een van dié sjimpansees, Thomas, is glo die pa is van Nina se eersteling.
“Die JGI is ‘n reddingsoord en ons het ‘n baie streng beleid teenaanteling, maar Nina se voorbehoed-inplanting het misluk,” het Oosthuizen gesê.
“Daar kan dalk komplikasies tydens die geboorte wees, omdat Nina nog so jonk is.”
Die beste manier om ‘n kennisgewing oor die geboorte te kry is om by die JGI se Facebook-blad aan te sluit.
Nina se vordering kan hier dopgehou word.
– Volg Nuus24 op Twitter
- SAPA
