Scarlett Johansson 'like' nie Facebook, Twitter

2011-11-28 14:53

Los Angeles – Die aktrise Scarlett Johansson het gesê sy verstaan nie mense se neiging om hul alledaagse lewens op sosiale netwerke te verkondig nie.

“Ek het nie ‘n Facebook- of ‘n Twitter-rekening nie,” het sy gesê. “Ek weet nie hoe ek oor die idee van ‘ek eet aandete en ek wil hê almal moet weet wat ek eet’ voel nie.”

“Dit is vir my ‘n vreemde verskynsel. Ek kan nie aan enigiets dink wat ek minder sal wil doen as om aanhoudend besonderhede oor my lewe met mense te deel nie.”

Johannson het in September aanlyn ‘n bloutjie geloop toe ‘n kuberkraker toegang tot die 27-jarige skoonheid se e-posrekening gekry het en naakfoto’s van haar aanlyn gepubliseer het.

– Lees meer hier.

– Volg Nuus24 op Twitter.