Samsung se Galaxy Note 8.0 bekendgestel

2013-02-24 14:50

Barcelona – Samsung het sy tabletreeks versterk met 'n mededinger vir Apple se iPad Mini, wat spog met 'n pen om op die skerm te skryf.

Die Galaxy Note 8.0 sal spog met 'n skerm van 20,3 cm – baie na aan die iPad Mini wat in November met in 20,1 cm-skerm vrygestel is.

Dit is nie die eerste keer wat Samsung 'n tablet vervaardig wat in die Mini se grootereeks is nie. Die maatskappy se eerste iPad mededinger se skerm was 17,8 cm groot en die maatskappy vervaardig steeds 'n tablet van daardie grootte, maar sonder 'n pen.

Die Koreaanse maatskappy sal die nuwe tablet tussen April en Junie begin verkoop. 'n Prys vir die produk is ook nog nie bepaal nie.

– Volg Nuus24 op Twitter

- SAPA