SMS'e weer wettig in China
2010-01-18 11:37
Xinjiang - Die regering van China se rustelose grensstreek, Xinjiang het alle dienste rondom die stuur van teksboodskappe, ses maande ná bloedige betogings in dié etniese verdeelde hoofstad Urumqi, herstel.
Die stuur van teksboodksappe, asook alle toegang tot die internet én die maak van internasionale foonoproepe, was vir ‘n geruime tyd verbied.
Dit kom nadat 197 mense op 5 Julie gedurende betogings deur die Ulghurs, 'n Moslem-groep van dié streek, gesterf het.
Wraakaanvalle deur die Han Chinese het twee dae later gevolg.
Die kommunikasiegapings het inwoners geweldig frustreer, omdat hulle nie daartoe in staat was om nuus te bekom nie, inkopies te doen nie, e-posse te stuur of aanlyn vir werk aansoek te doen nie.
Boodskapdienste is Sondagoggend weer herstel, het inwoners gesê.
Toegang tot die internet was ook ‘n paar weke terug herstel, maar slegs tot ‘n beperkte aantal webblaaie wat deur die regering bestuur word.
- Reuters