SA sal self rys verbou
2011-10-31 11:11
Kaapstad – Die beoogde verbouing van rys in Suid-Afrika het nuwe stukrag gekry danksy die toetrede van ’n sakeman en ’n boer om die projek ’n werklikheid te maak.
Kommersiële proefaanplantings is verlede jaar in verskeie plekke van die land gedoen, berig Landbouweekblad.
Hennie Kruger, ’n sakeman van Delmas, het gesê hy neem nou die leiding om rysverbouing ’n werklikheid te maak.
"Groot hoeveelhede rys word elke jaar ingevoer wat waardevolle valuta opslurp," het hy gesê. "Ons behoort self ’n groot deel van ons rys te verbou."
Die nodige geriewe om rys skoon te maak, is egter nog nie in Suid- Afrika beskikbaar nie.
– Lees die volledige storie hier.
– Volg Nuus24 op Twitter.
- Landbouweekblad