Rokers skrik nie vir die dood
2009-12-12 01:59
Singapoer – ‘n Studie deur sielkundiges in die VSA, Switserland en Duitsland het getoon dat waarskuwings op sigaretpakkies oor die gevaar van die inhoud rokers dalk meer laat stook om die onvermydelikheid van hul dood te hanteer.
Die studie het getoon dat ander waarskuwings op sigaretpakkies, soos “rook maak jou onaantreklik” of “rook is skadelik vir diegene om jou,” meer effektief is om rokers se ingesteldheid oor dié gewoonte te verander.
Volgens navorsers is hierdie veral die geval by mense wat rook om hul selfvertrou op te bou, soos jongmense wat rook om te beïndruk of mense wat rook om hul sosiale status te verbeter.
"Oor die algemeen, as rokers met die feit dat dié gewoonte doodmaak gekonfronteer word, rook hulle net meer om die nuus te verwerk,” sê die studie.
Die studie is onder 39 sielkunde studente, tussen die ouderdomme van 17 en 41 jaar, wat almal rokers is, gedoen.
"Waarskuwings teen rook wat met die dood verband hou, was nie suksesvol onder diegene wat rook om hul selfbeeld te verbeter nie. Waarskuwings wat nie met die dood te make het nie, het meer positiewe uitwerking op hul ingesteldheid getoon”, lees die studie.
- Reuters