Robot verteenwoordig leukemielyer by skool
2011-01-21 09:07
Moskou – Stepan, ‘n plastiek-robot, woon klasse by Moskou se skool nommer 166 by om ‘n klein seuntjie met leukemie te help om die les deur sy oë waar te neem.
In die tussentyd sit die regte Stepan, ‘n 12-jarige seun met groot blou oë en bruin hare, by die huis voor ‘n rekenaar en neem aktief deel aan die klas met die hulp van sy plastiek vriend.
Stepan Supin is al vir twee jaar ‘n leukemielyer en sy immuunstelsel is te swak om hom toe te laat om die huis te verlaat.
Die robot is toegerus met ‘n web-kamera, ‘n mikrofoon en ‘n luidspreker en hy saai regstreeks op Stepan se rekenaar uit wat in die klaskamer gebeur.
‘n Skerm voor die robot laat Stepan ook toe om op enige punt ‘n vraag te vra of die onderwyser te vra om iets weer te verduidelik, het die onderwyser Alla Gevak gesê.
“Ons noem ons robot ook Stepan. Wanneer die les begin, begin hy werk soos ‘n gewone student en hy neem baie aktief deel,” het sy bygevoeg.
Stepan het gesê hy voel asof hy in die klaskamer teenwoordig is en hy kan die rekenaar se bewegings ten volle beheer.
Volg Nuus24 op Twitter
- Sapa - AFP