Reuse-penisse op skoolveld te sien
2011-06-08 20:04
Wellington - ‘n Skool in Nieu-Seeland weet nie hoe om hul reuse-privaatdele toe te hou nie – dit ná studente reuse-falliese simbole op die sportvelde met onkruiddoder geëts het.
Die poets is wel reeds twee jaar gelede gebak, maar in dié tyd het Google Earth foto’s van die dorp Hamilton geneem vir sy satellietdiens.
Só kan Google Earth-gebruikers nou die onbeskofte mansgoed sien as hulle na Fairfield College op die kaart kyk.
Plaaslike inwoner David McQuoid het aan die Waikato Times gesê hy het ‘n nuwe eiendom gesoek toe hy op die etse afgekom het.
“Ek het eers gedink dit is ‘n groot kunswerk,” het hy gesê.
Sommige van die etse is amper 15 m lank.
Die skool se waarnemende hoof, Gerhard van Dyk, was egter nie beïndruk met die krabbels nie. Hy het gesê hy soek steeds na die "kunstenaars" wat die simbole oor ‘n naweek in 2009 op die velde geëts het.
Volg Nuus24 op Twitter.
- AFP