Renosterstropery steek geboortes verby

2010-09-07 15:40

Kaapstad – Die tempo waarteen renosters vir hulle horings gejag word is besig om die getal renostergeboortes verby te steek.

Só het Joseph Okori van die Wêreldnatuurfonds (WWF) gewaarsku.

Volgens Okori gaan daar in die volgende twee jaar ‘n afname in renostergeboortes wees indien onwettige renosterstropery aanhou.

Daar is glo 19 000 witrenosters en 1470 swartrenosters in wildreservate regoor Suid-Afrika. Dié renosters is albei bedreigde spesies.

Die WWF het 22 September as “Renosterdag” verklaar om sodoende meer aandag op die toename van renosterstropery sedert 2008 te fokus.

Volgens Okori is 275 renosters al dood weens dié stropery.

Die meeste renosterhorings word in die sluikhandel vir medisinale doeleindes verkoop.

Vir meer inligting oor renosterstropery besoek WWF.

Volg Nuus24 op Twitter.
 

- SAPA