Reis die gewildste tema op Facebook

2012-08-14 15:20

Kaapstad – Facebook het ‘n nuwe bladsy bekend gestel wat maandeliks stories met dieselfde tema met mekaar verbind.

Vandeesmaand se tema op die blad, Facebook Stories, is “Remembering.”

As deel van dié tema het Facebook 'n verslag uit gebeure op meer as 200 000 gebruikers se profiele saamgestel, het CNNgo berig.

Die redakteurs van die verslag kyk watter soort stories die gewildste op Facebook is. Dié maand se studie dui daarop dat ‘n groot aantal Facebook-gebruikers ‘n behoefte het om te wys waarheen hulle reis.

Sowat 42% van die stories in die verslag was Reis-stories.

Reis se gewildheid op Facebook kan toegeskryf word aan die gereeldheid van mense se reisgewoontes. Mense reis meer as wat hulle van verhoudings verander, kinders kry en trou, dus is dit makliker om daaroor op Facebook-profiele te "spog".

– Lees hier meer

– Volg Nuus24 op Twitter