Rassisme aanlyn dalk onwettig in NS
2011-08-24 15:18
Auckland – Om rassistiese of xenofobiese kommentaar aanlyn te lewer mag dalk in Nieu-Seeland onwettig wees as die land ‘n nuwe internasionale ooreenkoms onderteken.
Nieu-Seeland se minister van justisie, Simon Power, en die minister van polisie, Judith Collins, het Dinsdag ‘n driejaarplan gemik op die bevegting van kubermisdaad aangekondig.
Een van die voorstelle vir die plan is vir die land om die Council of Europe Cyber Crime-verdrag, ook bekend as die Boedapest-verdrag, te onderteken.
Die verdrag vereis dat nasies die vervaardiging en verspreiding van rassistiese en xenofobiese materiaal op rekenaarstelsels onwettig maak.
Omtrent 30 nasies het reeds die verdrag onderteken.
Verskeie lande, onder andere die VSA, Brittanje en Ierland, weier egter om die verdrag te onderteken.
– Lees meer hier.
– Volg Nuus24 op Twitter.