Pous ook nou op Twitter

2012-11-09 14:27

Vatikaanstad – Pous Benedictus XVI het besluit om 'n Twitter-profiel te skep en sal voortaan self op dié sosiale netwerk doenig wees saam met die wêreld se grootste sterre en leiers.

Federico Lombardi, woordvoerder vir die Vatikaan, het Donderdag die aankondiging gemaak en gesê meer inligting oor die Pous se Twitter-profiel sal bekend gemaak word voor dit amptelik geaktiveer word.

Dit sal na verwagting voor die einde van die jaar gebeur.

Die 85-jarige Benedictus het sy eerste Twitter-boodskap in 2011 van die Vatikaan se Twitter-blad gestuur.

Die nuwe profiel sal egter sy eie een wees.

Die Pous sal waarskynlik nie self die tweets tik nie. Omdat hy gewoonlik nie ‘n rekenaar gebruik nie, sal hy net die boodskappe goedkeur voor dit van sy blad af gestuur word.

– Volg Nuus24 op Twitter
 

- AP