Playboy sonder sterretjies binnekort op iPad
2011-01-20 09:11
Washington – Hugh Heffner het Woensdag op Twitter belowe dat ‘n ongesensorde weergawe van die stoute tydskrif Playboy binnekort vir Apple se iPad-tabletrekenaar beskikbaar sal wees.
Hy het op Twitter gesê dat huidige sowel as vorige uitgawes van Maart af op dié Apple-toestel te sien sal wees.
“Groot nuus! Playboy, oues en nuwes, sal van die begin van Maart af op iPads beskikbaar wees,” het hy op getweet.
Hy het nie veel meer besonderhede gegee nie.
Toe ‘n aanhanger hom vra of die publikasie op die iPad gesensor gaan wees, het hy wel ‘nee’ geantwoord.
Volg Nuus24 op Twitter.
- AFP