Plaag eis derde slagoffer
2010-08-13 14:47
Lima – ‘n 29-jarige vrou het aan longpes gesterf, wat die dodetal van plaagslagoffers na drie persone binne twee maande bring, het die Peruviaanse ministerie van gesondheid gesê.
Die ander twee sterftes in Junie was weens builepes, het beamptes Donderdag gesê.
‘n Aantal van 31 mense is reeds met dié plaag geïnfekteer in die provinsie van Ascope, sowat 520 noordwes van Lima.
Volgens Oscar Ugarte, minister van gesondheid, is die plaag onder beheer.
Hy blameer die situasie op die uitbreiding van plase in die omgewing wat ‘n verpesting van knaagdiere in nabye dorpe veroorsaak het.
Volgens die Wêreldgesondheidsorganisasie (WGO) is builepes die algemeenste vorm van ‘n plaag, wat deur besmette vlooibyte of direkte kontak met besmette diere soos knaagdiere veroorsaak word.
Longpes word tussen mense oorgedra en is gekoppel aan die aanvanklike verspreiding van ‘n vorm van builepes.
Die laaste uitbraak van builepes in noordelike Peru was in 1994 waarin 35 mense dood is en oor die 1 100 aangetas is.
Volg Nuus24 op Twitter.
- AFP