Pa dagvaar Facebook oor dogter se gewaagde foto’s
2011-09-07 11:48
Belfast – ‘n Pa van Noord-Ierland dagvaar Facebook omdat sy 12-jarige dogter gewaagde foto’s van haarself op die sosiale netwerk kon laai.
Sy klag beweer die sosiale netwerk doen nie genoeg om sy ouderdomsbeperking van 13 jaar af te dwing en na te gaan nie.
“Ek dink nie Facebook is gepas vir onder-18’s nie, maar die maatskappy is nie eers in staat om sy eie beleid te implementeer nie,” het Hilary Carmichael, die pa se prokureur, gesê.
“’n Ouderdomsbeperking, soos om ‘n paspoortnommer te vereis, is ‘n eenvoudige stap wat Facebook kan implementeer.”
Volgens Carmichael was die foto’s van die meisie “seksueel gewaagd” en het die tiener baie grimering gedra en prikkelend poseer in ‘n manier wat haar “veel ouer as haar 12 jaar laat lyk het.”
Sy het glo ook bekendgemaak waar sy woon en waar sy skoolgaan.
Die klag beweer Facebook het die meisie aan die risiko van seksuele geweld blootgestel.
As die meisie se Facebook-profiel nie uitgevee word nie, beloof die klag om “aansoek te doen om Facebook in Noord-Ierland te blok,” lui 'n verklaring op Carmichael se webtuiste.
– Lees meer hier.
– Volg Nuus24 op Twitter.