Ouderdom-skete eis skeeloog-buidelrot

2011-09-29 09:08

HEIDI die buidelrot in Junie 2011 in haar woonplek in die Leipzig-dieretuin. (Reuters)

Berlyn – Heidi, die skeeloog-buidelrot (opossum) wat ’n internasionale sensasie geword het, is dood.

Haar versorgers by die Leipzig-dieretuin het besluit om die drie en ’n half jaar oue dier uit te sit nadat hulle weke lank sonder enige sukses probeer het om Heidi vir artritis en ander simptome van hoë ouderdom te behandel.

Volgens die bestuurder van die dieretuin, Jörg Junhold, is die besluit “in die belang van die dier” geneem.

Heidi het bewonderaars van oor die wêreld heen verwerf met haar oulike skeel oë.

Veeartse het gemeen haar skeelheid is deur gewigsprobleme veroorsaak.

– Volksblad

– Volg Nuus24 op Twitter.

- Sapa - AP