Orkas migreer om velle te versorg
2011-10-26 11:59
New York – Sommige orkas migreer naastenby 10 000 km van Antarktika se suidelike oseaan na warmer waters, maar nie om te vreet of te paar nie – om hul velle te versorg.
Die navorsers John Durban en Robert Pitman van die Amerikaanse Nasionale Mariene Visserydienste het satellietsenders aan 12 orkas in die Antarktiese waters vasgemaak.
“Die walvisse het ‘n direkte roete na die naaste warm waters gesoek en eers stadiger begin swem waar die waters warmer geraak het,” het die navorsers gesê.
Durban en Pitman beweer die walvisse soek na warm waters om ‘n laag vel af te skud sonder om in die ysige waters van hul natuurlike tuiste dood te vries.
“Ons bevinding is dat die migrasie van die orkas hou verband met hul liggaamstemperatuur,” het die navorsers gesê.
Hul navorsing is in die joernaal Biology Letters gepubliseer.
– Volg Nuus24 op Twitter.
- AFP