Oorgewig mense eet minder maaltye
2011-11-21 10:09
New York – Oorgewig volwassenes eet minder maaltye as mense met ‘n gesonde gewig, maar eet meer kalorieë en is minder aktief, het navorsers bevind.
“Die meeste navorsing wys mense wat meer gereeld eet se liggaamsmassa is laer,” het die hoofnavorser Jessica Bachman van die Marywoord-universiteit in Amerika gesê. “Niemand weet egter hoekom nie.”
Oor die algemeen het oorgewig mense drie maaltye per dag geëet en een keer gepeusel terwyl mense met gesonde gewig twee keer deur die dag gepeusel het tussen hul drie maaltye.
Bachman het gesê dit is die klein eetgoed tussen maaltye wat 'n mens se gewig gesond hou deur erge honger te vermy.
“As 'n mens meer eet, verhoed dit dat jy honger word en ooreet,” het sy bygevoeg.
– Volg Nuus24 op Twitter.
- Reuters