Ons tweet selfs op die toilet
2010-03-18 23:41
Kaapstad – Sosiale netwerke speel heeldag ‘n rol in ons lewens, van die oomblik wat ons opstaan tot slapenstyd.
Selfs wanneer verbruikers in die badkamer is, of aan die etenstafel, word hul Facebook of Twitter blaaie gelees en opgedateer, het 'n onlangse opname getoon.
Retrevo het 1 000 internet verbruikers gevra om aan die opname deel te neem.
Volgens Retrevo se opname is dit nie eens ongewoon vir verbruikers om in die middel van die nag hul Facebook of Twitter blaaie oop te maak nie.
Amper helfte van die mense wat aan die opname deelgeneem het, erken hulle kyk na hul Facebook-profiel sodra hulle wakker word en partykeer selfs in die middel van die nag.
iPhones-gebruikers maak hul Facebook of Twitter blaaie oop voordat hulle die TV aanskakel en meeste verbruikers dink dit is absoluut aanvaarbaar om te tweet terwyl jy op die toilet sit.
Kliek hier vir die volledige storie.