Om baba se kos vooraf te kou, hou MIV-risiko
2011-08-31 18:28
Kaapstad – ‘n Nuwe Suid-Afrikaanse studie het bevind meer as twee derdes ma’s kou kos voor hulle dit aan hul kleuters voer – ‘n gewoonte wat MIV tussen ma en kind kan oordra.
‘n Groot aantal ma’s en sorgma’s wat kos kou voor hulle kleuters voer, het oop mondsere gehad en sommige het selfs erken hulle het bloederige kos aan kleuters gevoer, het die navorsers bevind.
Die navorsers het gesê dié gewoonte kan tot die verspreiding van die MIV-virus lei.
“Die aantal ma’s wat erken hul bloed word in die kos gemeng, is uiters kommerwekkend,” het Elke Maritz van Universiteit Stellenbosch en die Tygerberg-kinderhospitaal in Kaapstad gesê. “Dit is veral ‘n gevaar wanneer die kleuter ook sere in die mond het.”
“Weens die lang kulturele geskiedenis van die gewoonte reken ma’s dit is natuurlik en onskadelik en noem dit nie eens tydens gesondheidsonderhoude nie,” het Maritz gesê.
Maritz en haar kollegas se navorsing is in die joernaal Pediatrics gepubliseer.
– Volg Nuus24 op Twitter.
- Reuters