Nuwe ster met vyf planete ontdek
2010-08-25 05:59
Parys – Europese astronome het blykbaar ‘n baie verafgeleë ster, waarom vyf planete wentel, ontdek.
Dit is die grootste ontdekking van sy soort in 15 jaar, toe astronome vir die eerste keer sterre buite ons sonnestelsel kon bestudeer.
Die ster is soortgelyk aan ons son, maar geen bewyse bestaan dat een van die planete wat om die ster wentel dalk ‘n heenkome vir mens se kind kan wees nie.
Die ster, HD 10180, is 127 ligjaar weg in die suidelike konstellasie van Hydrus, die manlike waterslang, het die Europese Suidelike Sterrewag berig.
Astronome het die planete oor ‘n tydperk van sewe jaar geïdentifiseer deur die wêreld se sterkste spektrograaf in te span.
Volgens NASA se Jet Propulsion Laboratory (JPL) is daar sedert 1995 al 402 sterre met planete gelys.
‘n Somtotaal van 472 planete buite ons sonnestelsel is reeds ontdek.
Tot dusver het nie een van dié planete die perfekte balans wat die Aarde het vir lewe om te floreer nie.
Volg Nuus24 op Twitter.
- SAPA