Nuwe rekenaar het geen sagteware, dokumente
2011-05-12 20:36
New York – Rekenaarfoendi’s wat gretig is om te sien waartoe Google se nuwe Chromebook-skootrekenaars se hardeware in staat is, sal uiters teleurgesteld wees.
Die internetreus het gesê dit is irrelevant, want dié rekenaars het nie eens programme wat moet funksioneer nie - nie eens ‘n mooi foto van die familie as agtergrond vir die werkskerm nie.
“Jy kan dit alles op die internet doen,” meen Google. In plaas van werk as dokumente op die rekenaar se hardeskyf stoor, word dit op die internet gelaai waar die gebruiker daartoe toegang het.
“Dit is die internet op ‘n toestel wat soos ‘n rekenaar lyk,” verduidelik die vervaardiger speels.
Die gebrek aan sagteware stel die rekenaar in staat om binne 10 sekondes aan die gang te kom, maar as die internetkonneksie egter moeilikheid gee, gaan werk ook sukkel.
“As jy nie toegang tot die netwerk het nie, sal funksies wat daarop staat maak nie werk nie,” erken Google op sy inligtingsblad.
Lees die volledige storie hier.
Kyk hier na ‘n video van die Google Chromebook.
Volg Nuus24 op Twitter.